Gran huec de chepics tà sauvar la Vath-Vielha
Dissabte passat, lo hastiau Sent Pançard qu’estó cremat en Plaça deu Bearn a Pau , o meilèu la soa monaca pr'amor s'ei escapat lo mahutre, e còp sec tots los chepics deu pòble bearnés qu’an seguit o quasi...
 

Dissabte passat, lo hastiau Sent Pançard qu’estó cremat en Plaça deu Bearn a Pau , o meilèu la soa monaca pr'amor s'ei escapat lo mahutre, e còp sec tots los chepics deu pòble bearnés qu’an seguit o quasi.
La temporada carnavalenca n'ei doncas pas enqüèra clavada e lo Carnaval de la Vath Vielha a Nai que tornarà per las carrèras de la vielha bastida, lo dissabte 11 de març.

Com cada an, lo carnaval de la Vath Vielha qu’ei apitat en partir d’ua navèra legenda, augan qu’ei « Petarrada en la Plana » (legenda )   Naion Canalhon, Babeth la reina de las abelhas e tots los lors amics insèctes qu'an de combàter un monstre chepic enviat peu broish Pèlaminon entà venjar lo babau Clècapotina. Que calerà qu'atracen tots los chepics entà sauvar la Vath-Vielha...
Com tot Carnaval qui s’arrespècta, que s’i debanarà un passacarrèra mes abans las animacions que començaràn a comptar de las duas òras deu vrèspe.

Au programa :
- 14H00 : Plaça de la Republica : Duatlon desguisat taus mainats apitat per la "Tribu 64" (http://triathlon.latribu64.fr/),
- 14H30 : Maison de retirada Sent-Jausèp : Animacion dab grops deu Carnaval los Acordeons deu Lis e los Cantaires de la Pastorala de Nay,
- 16H15 : Aleas Chanzy : Aviada deu Carnaval de las bestiòtas dab l'arcuelh de Sent-Pançard e l'agergament de la corriòla,
- 17H30 : Passacarrèra de las Aladas Chanzy dinc a la Halhèra deus Chepics au Teatre de Verdura,
- 18h30 : Teatre de Verdura : Espectacle de huec dab la causida deu monstre CHEPIC e la Halhèra de doléncias e chepics,
- 19H00 : Usina Petit Boy :  Aperi-Trad tà tots e Bal gascon dab CAC'OC PHONIES e LUMBRETS.
La restauracion que serà assegurada per la Calandreta de Lis.

Entresenhas mei : www.carnaval-vathvielha.fr