Good Morning Occitania - Sason 2 episòdi 1.
Après "La seria" o enqüèra "La Chancada Gascona", qu'ei "Good Morning Occitania" qui hè ua crida au finançament participatiu...
 

Après "La seria" o enqüèra "La Chancada Gascona", qu'ei "Good Morning Occitania" qui hè ua crida au finançament participatiu.

Pendent un an, de seteme 2013 dinc a junh 2014, la matinala radiofonica «Good Morning Occitània» que mutualizè tres mèdias occitans. A l'iniciativa de Ràdio Occitània de Tolosa e de Ràdio País de Pau, en partenariat dab La Setmana, la matinala d'expression occitana que mobilizè quate jornalistas, dus animators, dus tecnicians atau com sèt cronicaires benevòles.
Lo programa de tres òras qu'èra difusat cada matin de 7ò a 10ò sus las antenas de Ràdio País e Ràdio Occitània. 

Peu moment lo programa qu'ei en suspens mes Ràdio Occitània e La Setmana qu'an decidit de contunhar d'apitar un programa de qualitat.

Totun qu'an besonh de la vòsta ajuda !

En mutualizar los lors mejans umans e materiaus, Ràdio Occitània e La Setmana que perpausan aus auditors de la ràdio, mes tanben aus lectors de La Setmana, un navèth supòrt mèdia d'actualitat.
Aquesta emission de tres òras que's debana cada matin enter 7ò e 10ò sus l'antena de Ràdio Occitània. Lo ton qu'ei joen e dinamic e que s'adreça a un public larg dab cronicas e intervistas politicas.

La playlist que hè la part grana a la musica occitana actuau com a las musicas deu monde dab la descobèrta d'artistas de ger e de uei.

Lo finançament participatiu qu'ajudarà los mèdias engatjats a pagar los jornalistas e pigistas mutualizats pendent tres mes e los mèdias partenaris a balhar ua plaça a la cultura occitana.

Tà sostiéner lo projècte que podetz clicar ací. http://fr.ulule.com/goodmorning-occitania/