Emocion e arríder sus ÒcTele !
La cadena de television en lenga occitana que hè lo son camin...
 

ÒcTele que pensa aus petits taus com aus grans. De non pas mancar aquesta dimenjada, la purmèra difusion deu filme d'animacion doblat per Conta'm : Lo Jorn de las Gralhas.

Rendetz-ve dissabte a 8ò30 lo ser tà véder lo cap d'òbra de Jean-Christophe Dessaint, un filme hòrt en emocions...

Que serà tanben disponible a la demanda.

 

La dimenjada passada, la cadena que pertoquè los sons espectators en difusar lo purmèr JT (Jornau Televisuau) de Manaset. Lo "Gorafi" occitan ne hasó pas las causas a miejas, tot que i ei : invitats, reportatges, meteo, intervistas... shens desbrombar l'esperit ! "Vertadèrs faus jornalistas o faus faus jornalistas mes sustot vertadèrs vertadèrs tecnicians". Un bèth tròç d'arríder !

 

E despuish la rentrada, los petits que son vesiats sus ÒcTele dab dus episòdis de l'aso Trotet qui ei dejà ua beròja escaduda tà la cadena e que ns'èm deishat díser que serveish d'utís pedagogic.
Conta'm que doblè los 12 purmèrs episòdis deu dessenh animat en lengadocian e los 12 seguents en gascon...


ÒcTele qu'ei cada ser de 8ò30 dinc a 10ò30 mes los "Cara e cara" deu Clamenç Pech, los reportatges, los dessenhs animats, los documentaris, la musica e lo cinèma que son tostemps a la demanda sus www.octele.com