E los vencedors que son...
Las inscripcions au concors de polifonias de Laàs que son ubèrtas...
 

Ne volem pas parlar d’aquera emission de television on cantaires de tot escantilh e vienen bramar a las nostas aurelhas. Mes meilèu deu 19au concors deu « Tremplin des Polyphonies » qui’s debanarà en l’encastre deu hestenau de las Transumàncias Musicaus de Laàs, lo divés 30 de mai, a 21h.

D’ara enlà, l’aperet a candidats qu’ei aviat. Lo sol prètzhèit qu’ei d’avalorar las votz e la polifonia entà har descobrir talents navèths. Lo concors qu’ei ubèrt a tot estile o genre musicau, quin que sia l’atge, en quina lenga que sia, dab instruments o pas,…


Los grops de 2 dinc a 16 personas qu’an de s’inscríver abans lo 25 de genèr de 2014.
Sheis grops que seràn seleccionats a la fin de genèr entà pujar sus l’empont lo 30 de mai.

Lo purmèr grop que ganharà 2000€, lo dusau 1000€ e los qui segueishen que’s partatjaràn 2000€. France Bleu Béarn que balharà un prèmi especiau (promocion + enregistrament d’un concèrt) tau com las salas d’espectacles deu Monte-Charge (Pau), de La Luna Negra (Baiona) e de La Gespe (Tarba) qui causiràn un grop en l’encastre de la lor programacion..

Entà participar donc, los candidats que deven enviar un CD (au mensh duas cançons) abans lo 25 de genèr de 2014 a l’adrèça seguenta :
Transhumances musicales, Tremplin des polyphonies
 2, rue Saint-Germain
64190 Navarrenx. Tél. 05 59 66 53 90.

Entresenhas mei e reglament deu concors : www.transhumances-musicales.com o cassalette@transhumances-musicales.com