E de 11 tà Hestiv'Òc !
Hestiv'òc que's debanarà deu dijaus 20 dinc au dimenge 23 d'aost a Pau dab un navèth lòc d'espectacles....
 

Hestiv'òc que's debanarà deu dijaus 20 dinc au dimenge 23 d'aost a Pau.
Lo gran empont, Plaça Reiau, lo Teatre Sent Loís, l'empont Margot, la plaça de la Deportacion, que vederàn segui's numerós artistas.
Ua nautat, augan, un navèth lòc que vien enriquir l'auhèrta. L'Esplanada deu Conselh Departamentau qu'arcuelherà un espectacle inedit de dança contemporanèa : "Souches" per la Companhia KD Danse.

En preambule de l'obertura oficiau cantada, qu'arretrobaratz l'espectacle "Pau lo tiau" de Menestrèrs Gascons a 6ò lo ser sus la Plaça Reina Margalida.

Mes adara qu'ei lo moment de v'anonciar los artistas qui pujaràn suu gran empont.
En òrdi de passatge que vederatz :

 - Lo dijaus 20 : Dakidarria (Alternatiu Ska World) de Galicia e Bombes de Bal (bal indigèna) de Tolosa,

 - Lo divés 21 : Verd e Blu (Musicas de Gasconha), Medin'Aqui (Musicas mediterranèas) e Rita Macedo Trio (Bal Forró brasilian),

 - Lo dissabte 22 : Bal Gascon II "La Reconquista" per la Companhia Crestian Josuèr, "Toujours perché là-haut" de Mazammorra e Zéphirin Castellon e Lou Dalfin (ròck-fòlc) d'Italia,

- Lo dimenge 23 : Los Pagalhós, Begiz Begi (Pop-ròck basco) e Brick a Drac (Turbo-fòlc) deu Cantal.

L'empont Margot ne serà pas devedor dab La Mal Coiffée (Polifonias deu Lengadòc), La Maison Dakoté e Tu e Jo.
Au Teatre Sent Loís, que poderatz aplaudir Ardalh, Esta, l'espectacle "Perrec e Pluma" e lo dijaus vrèspes la sequéncia cinèma occitan.

De non pas desbrombar, lo dimèrcs 19, la tradicionau projeccion a l'airejada dab Le Méliès : Ernèst e Celestina.

Totas las entresenhas suu site : www.hestivoc.com