E Tòc ! La Hèsta deu Collègi Calandreta de Gasconha
Com cada an, qu'avem lo parat de descobrir lo tribalh deu Collègi Calandreta de Pau...
 

A la debuta de las annadas navanta, lo movement Calandreta que’s pausè ua question : Quin perlongar l’ensenhament immersiu de Calandreta taus qui’u vòlen perseguir en l’ensenhament segondari ? La responsa ne’s hasó pas aténer pr’amor en 1997, qu’espelí lo Collègi Calandreta Leon Còrdas a Montpelhièr, puish en 2005, lo Collègi Calandreta de Gasconha a Pau.

L’escaduda qu’ei lèu au rendetz-vos, e uei lo dia que son un quarantenat d’eslhèves qui son despartits en quate classas. L’effectiu petit deu Collègi que permet de guardar ua dimension umana ad aqueth ensenhament, arrespectuós plan segur d’ua coheréncia pedagogica dab lo primari, e tot en occitan a despart deus cors d’anglés, espanhoù e francés. 

Donc taus qui desiran descobrir o sostiéner aquera estructura, com cada an, lo Collègi Calandreta de Gasconha qu’organiza la soa hèsta e que’vs convida au Larèr Rurau de la Capèra de Rossa a Juranson doman a comptar de 7 òras deu ser.

L’aperitiu que’vs serà auherit peus productors locaus e la restauracion qu’ei prevista sus plaça.

Au programa : espectacle, canta, musica e dança…

Los collègians que i haràn la presentacion deus lors tribalhs. L’intermèdi musicau que serà assegurat per Acord'òc abans un concèrt a tot petar a 10 òras e mieja deu ser dab Papà Gahús

Entresenhas : 05 59 82 12 93