Drin de tot per la dimenjada
Que n'i a activitats culturaus de pertot e tà tots aquesta dimenjada...
 

Per aquestas temporas de Nadau, las sortidas culturaus non mancan pas.
Que n'i a de pertot e sustot tà tots. Aci devath un petit escatilh :

Divés ser, a comptar de 8 òras, los eslhèves deu Conservatòri de Musica Tradicionau de Pau que v'espèran numerós en la sala de las hèstas d'Artigalotan tà un "Bal en construccion" dab tanben lo grop Huec. Que i poderatz dançar, cantar dab lo grop polifonic deu Conservatòri e béver un còp. L'entrada qu'ei a gratis.

Dissabte, lo Collectiu Ça-i que presenta a 3 òras e mieja lo vrèspe, l'espectacle de contes, imatges e musica "Minimatges e Contòts" dab David Bordes, Matèu Baudoin e Coline Hateau a La Cadea. Entresenhas au 05 59 67 34 52, entrada : 5€.



Lo ser, Los Comelodians que contunhan la lor virada dab la pèça "La qui s'a trobat un mèste" e que seràn donc a la sala de las hèstas de Seuvalada a 8ò.

Enfin, taus amators de cants, pas mensh de 3 concèrts que'vs son perpausats :

- a Nai, a la glèisa Sent Vincenç un concèrt tà Nadau dab Ardalh, La Cordée bénéjacquoise, La clé des chants, la Pastorala de Nai, los musicians Jean Arbus e Francis Marque e l’ escòla de musica deu País de Nai. Rendetz-ve a 8 òras e mieja, la participacion qu'ei libra,

- a Ger, ua serada musicau tau Téléthon dab Natacha Conte e l’escòla de musica Les Muses, Michel Lagalaye, Jean Ernest Bruel, À travers Chants, Daunas de Còr e La Brana de Ger, au larèr rurau a comptar de 8 òras e mieja. La participacion qu'ei libra e ua venta de còcas e crespèras que serà organizada,

- a Vièla, a 9òras e mieja au Vilatge Vacanças, lo comitat de las hèstas qu'organiza un concèrt de cants bearnés dab la participacion deus grops Nosta Amistat, Amassa, Los de Laruntz e Los Amics de Vièla, seguit d’ua cantèra. Entrada : 5 € – a gratis taus –12 ans.