Darrèra etapa dissabte a Vilhèra !
Emplec deu temps deus cargats tà Sent Pançard....
 

Dissabte a comptar de 16H30, le noste Sent Pançard que desfilarà dens las carrèras de Vilhèra despuish la plaça Jules Gois dinc a la plaça François Mitterrand on s'i cantarà Aqueras Montanhas en béver lo veire de l'amistat.
Que s'estancarà au Castèth d'Este tà demandar las claus de la comuna au maire abans d'estar acaçat de cap a Pau a 19H.
La serada que contunharà dab un gran bal gascon animat peu grop Espartenhas a 20H.
Restauracion sus plaça.

Sent Pançard que serà a l'Universitat de Pau lo dijaus 20 de heurèr tà ua vrespada musicau e reïvendicativa.
Qu'a entenut l'aperet deus estudiants deu Med'Òc qui vòlen presentar au president de l'UPPA las lors doléncias com lo restabliment de la Licéncia d'Occitan a Pau, la mesa en plaça d'ua senhaletica bilingua suu campus.
A comptar de mieidia, Sent Pançard e la soa cort que seràn au RU (Restaurant Universitari) dab lo Duo Ilixo en concèrt.
A las duas òras, los estudiants que remeteràn lo lor quasèrn de doléncias au President.
Siatz numerós, qu'an besonh deu vòste sostien !
A 14H30, que'vs perpausaràn un talhèr de danças tradicionaus au pati de la facultat de Letras.

Lo dissabte 22 que serà donc la grana serada d'obertura deu Carnaval Biarnés dab un concèrt pagant.
Sus l'empont Funky Style Brass, Le Troittoir d'en face e Kimabala que's succediràn.
L'associacion Carnaval Pantalonada qu'a besonh deu vòste sostien tà contunhar d'organizar ua hèsta de las bèras.
Las plaças que son a 8€ dinc au 19 de heurèr e que seràn a 10€ lo ser deu concèrt.
Que podetz reservar directament en seguir lo ligam o en aperar lo 05 59 30 76 48 o directament a l'associacion : 46 Boulevard Alsace Lorraine a Pau.