Dancem en cèrca de cantaires !
Que demoran plaças tà l'estagi de cant tradicionau deu Matiu Dufau...
 

Lo hestenau Dancem per sauts e per branles n'a pas desbrombat de balhar ua plaça a la canta tradicionau.
Los cantaires d'Ortès que i seràn presents, solide, mes los amators tanben que poderàn ensajà's a la canta peu biaish deu talhèr miat peu Matiu Dufau.
Que's debanarà lo dissabte 4 de julhet a comptar de 3ò lo vrèspe.
L'estagi que s'interessarà a la polifonia de noste, en tot cercar la complementaritat de las votz enter hemnas e òmis e en desvolopar la capacitat d'adaptacion deus cantaires hens un grop. Tres cantas que seràn abordadas.


Que demoran enqüèra hèra de plaças tad aqueth talhèr e la soa anullacion per manca d'estagiaris que seré de dòu har.
N'esitetz donc pas, que'vs podetz inscríver en enviar un chèc de 10€ a l'ordi de Cultura de Noste a l'adreça : Dordeins Joan-Miquèu 64270 Ramous.

E tà dançar lo ser qu'arretrobaratz : Espartenhas, Monacas, Lo Larèr d'Escòs, 21 BOuTONS, Calhats, Tshakabass e Votz en Bal.

Las tarifas :
- estagis : 10€
- bals : 15€, estudiants de -25 ans, liceans e caumaires : 13€
- Pass 2 dias : 20€, estudiants de -25 ans, liceans e caumaires : 15€

Los programas e bulletins d'inscripcion que son disponibles a l'Ostau Bearnés
Entresenhas : www.culturadenoste.com - 06 85 65 34 50 - 05 59 67 54 99
Possibilitat de campar sus plaça a gratis