Cultura de noste suu parçan d'Ortès
L’associacion Cultura de Noste que perpausa ua vrespada consacrada a la lenga e a la cultura occitanas. Cada an, en un parçan different deu canton d’Ortès, que’s debana lo Dia de la Lenga. Augan, qu’ei organizat Saut lo dissabte 28 de genèr en collaboracion dab Los Comelodians...
 

L’associacion Cultura de Noste que prepausa despuish quauques annadas adara, ua vrespada consacrada a la lenga e a la cultura occitanas. Cada an, en un parçan different deu canton d’Ortès, que’s debana lo Dia de la Lenga. Augan, qu’ei organizat Saut lo dissabte 28 de genèr en collaboracion dab Los Comelodians.
Au programa de la jornada :
- 15H30 : A la descobèrta de la lenga escriuta
- 17H : Escriu se gausas
- 18H30 : Parlar e batalar.

Mes abans, lo dimenge 22 de genèr a Ramos qu'organizan ua vrespada de danças en tota convivialitat : Convidança. A comptar de 15h que i aurà ua iniciacion a las danças seguida d'un bal dab los musicians presents. L'entrada qu'ei a gratis e que podetz portar de qué vrespejar e béver.

Au mes de heurèr, lo dimenge 5, que'vs perpausan un vrèspe de teatre dab Los Comelodians tà ua representacion de la lor darrèra pèça : Lo còp de l'asó. Rendetz-ve a 16H a la sala Francis Planté a Ortès, la participacion qu'ei libra.

Enfin, lo dissabte 18 de heurèr a Saut que v'envitan a dançar dab "Creacion en davant 2".
Au programa :
- 15h : estagi animat per Jean-Michel Dordeins tà apréner tres danças novèlament creadas e quauquas suspresas...
Ziga-zaga, que ns'esquivam, que ns'esquivam dinc trobar la bona persona... o pas.
Lo pas galant, elegant, aerian dab reveréncias e petits potons.
Lo Còngo parpalhoèr qui respecta l'esperit d'aquera dança mes qui'n partvira completament los còdis abituaus
- 19h30 : sopar partajat
- 21h : BAL dab DUO VENT, Virginie a la boha e Jean-Michel a l'acordeon

Estagi : 10€, bal : 6€, estagi + bal : 15€
 
Enviatz lo chèc a l'ordi de Cultura de Noste a :
Cultura de Noste, 765 chemin de Massicam, 64270 Ramous, abans lo 11 de heurèr.
 
informacions : 06 85 65 34 50 / culturadenoste.com