Creacion d'ua navèra associacion
Ligams, qu'ei lo nom de la navèra associacion qui serà creada lèu-lèu. L'Amassada Generau constitutiva de l'associacion que's debanarà lo dijaus 10 de noveme qui arriba a 8 òras lo ser a l'Ostau Bearnés.
 

Ligams, qu'ei lo nom de la navèra associacion qui serà creada lèu-lèu. Daniel Barneix, president de la Federacion Departamentau de las Calandretas deus Pirenèus Atlantics, que ns'envita a l'Amassada Generau constitutiva de l'associacion Ligams qui's debanarà lo dijaus 10 de noveme qui arriba a 8 òras lo ser a l'Ostau Bearnés.
A l'ordi deu dia :
- Presentacion de l'objècte de l'associacion,
- Montant de la cotizacion e adesions,
- Adopcion deus estatuts
- Eleccion deus membres deu Conselh d'administracion
- Poders entà las formalitats de declaracion e de publicacion
- Creacion de las comissions (projècte, camin, comunicacion, finanças....)
- Drin de tot

La futura associacion qu'a d'ara endavant un projècte de manifestacion qui's debanaré a annada passada en alternança dab lo Congrès de las Calandretas : ua corruda de 8 a 10 dias suu principi de la Korrika. S'ètz interessats que trobaratz ací la presentacion deu projècte e la proposicion d'estatuts.

L'associacion Ligams que desira amassar tots los qui aiman la lenga nosta e lo movement Calandreta qui la defen e qui la promòv cada dia auprès deus nostes mainatges. B'ètz doncas tots los planvienguts ! Que siatz o pas en lo movement Calandreta.
Se voletz mei d'informacions, que podez contactar au Daniel au 06 38 93 85 86 o a daniel.barneix@gmail.com.