Clap de fin tau Concors de Scenaris !
La data limita deu purmèr Concors de scenaris de corts-metratges en occitan qu'arriba...
 

La data limita deu purmèr Concors de scenaris de corts-metratges en occitan qu'arriba.
Los autors, realizators, cinefiles o amorós de la lenga qu'an dinc au 1èr de març tà enviar las lors produccions.

Aviat lo 22 d'aost passat dens l'encastre de Hestiv'Òc, que'vs raperam que lo concors ei ubèrt a tots e a gratis.
La remesa deus prèmis que's debanarà au parat deu purmèr hestenau de cinèma occitan organizat deu 9 dinc au 11 de mai a Salias deu Biarn per l'associacion Accents du Sud, après la deliberacion d'ua jurada de professionnaus deu cinèma e de l'audiovisuau.

Lo reglament e la fica d'inscripcion que son disponibles suu site de Hestiv'Òc : www.hestivoc.com/cinema
Tà mei d'entresenhas : cinema@hestivoc.com o 05 47 41 40 46.

Que v'informam tanben que l'associacion Accents du Sud ei en cèrca de filmes occitans tau son hestenau que sian produccions navèras o ancianas de tot escantilh : documentari, format brac, ficcion, animacion, experimentau…
Qu'ètz realizators, productors, o simplament videastas amators, que podetz enviar las vòstas òbras tà las preseleccions a :
ACCENTS DU SUD - 50 rue Montpensier - 64000 Pau