Cinc dias en aunor a la cultura charnègo
A comptar de l'auta setmana,qu'arriba la detzau edicion deu hestenau Xarnegu Eguna...
 

Xarnegu Eguna qu’ei ua manifestacion culturau en pais Charnègo puish a que’s debana dens lo parçan de Bardòs deu 29 d’abriu dinc au 3 de mai.

Despuish 2005, lo son prètzhèit qu’ei la promocion de la mesclanha de las culturas e de las lengas e lo desvolopament deus ligams intergeneracionaus en mitan rurau a truvèrs d’ua programacion hestiva e eclectica.

Xarnegu Eguna que v’invita donc, tà la soa detzau edicion, a l’encontre e au partatge culturau.

A l’organizacion deu hestenau que trobam mantuas associacions e au demiei deus aliats que i a l’Ostau Bearnés qui balhè un còp de man tà l’arrevirada deu desplegant. 

 

E lo programa qu’ei deus cargats…

  Dimars lo 29 d’abriu : a comptar de 20h30 a la sala de las hèstas de Guíshen : Serada Talents Xarnegu a gratis. Dançaires, musicians, un paret tà dessenhs e lo grop HOT BARBECUE, 100% xarnegu.

-          Dimèrcs 30 d’abriu : a 15h30 au gimnasi deu collègi de Bidàishen : espectacle HERRIALDE URDIÑA/LO PAÍS BLU per la companhia Azika : L’itinerari d’un personatge qui cerca un saunei ancian. Qu’encontra ua flor a musica, un lapin dançaire, un petit ors et lo magician que’u harà lhèu conéisher lo camin deu País Blu. Entada 3€.

A 19h, au Larèr de Càmer : Conferéncia « Vita e memòria de l’Ador »

A 21h, a la Sala de las hèstas de Càmer : serada occitana dab lo Trio Baletòt

-       Dijaus 1èr de mai :  a 21h a la glèisa d’Arancon, Concèrt dab Philippe de Ezcurra, Marina Beheretche, Kattalin Indaburu, Ahoz e los Cantayres de Came : Reservacion Ofici de Torisme au 05.59.56.03.49

-               Divés 2 de mai : a 19h sus l’esplanada deu Castèth de Bidàishen : Concèrt NEW BUMPERS JAZZ LIVE a gratis dab l'escòla de musica deu país de Bidàishen.

Seguit a 21h, de la projeccion d’un filme en plen aire : SWING, de Tony Gatlif :  Max, un gojat de 10 ans que’s 

descobreish ua passion tau jazz manoish. Que comença lavetz l’aprentissatge de la musica e de la cultura manoishas. Que va conéisher tanben los purmèrs esmais amorós dab Swing, enigmatica hilha deu son atge. A gratis dab l'associacion « Les Bobines Rurales ».

-          Dissabte 3 de mai : a 11h sus la plaça deus platanas a Bardòs : Desfís de luta bascoa inter-vilatges, dab Borroka 64.

A 12 h : Pic-nic Xarnegu, per l’associacion AIMA animat per Le P’ti Balu: jazz manoish, musicas de l’èst, tèmas de dessenhs animats, etc... 7€ tà tots

Mochico dab los musicians deu Larèr de Bardòs

A 15h au larèr de Bardòs, talhèrs creatius e brico-recup’ a gratis dab l’associacion Le grain à Moudre e Bil Ta Garbi.

A 17h, a la sala de cinèma de Bardòs, espectacle LES ZAVENTURES D’IDRISS et ZEPHIRA : 45 minutas de viatge interactiu e musicau, a comptar de 5 ans, 3€/mainat, 5€/adulte.

A 21h, devath lo capitèth de Bardòs : Concèrt dab Killers, Le Trottoir d’en face, Enbata e Les ramoneurs de menhirs, Entrada : 10€.