Carnaval Partida dusau
Pau ne serà pas la sola a arcuélher un carnaval, tradicion enqüèra vitèca a noste...
 

Qu’ac avem vist en un article precedent, lo Carnaval Biarnés qu'a prés lo poder de la ciutat paulina. Mes Pau ne serà pas la sola a arcuélher un carnaval, tradicion enqüèra vitèca a noste.

Direccion la Vath de Gèusvath per un carnaval vadut a l’Edat Mejana e qui s’arrevitè en las annadas 50 mercés a l’estrambòrd de tots los vilatges de la valea. A l’entorn deu son personatge Batiston PairDeTots, lo Carnaval de Geronce qu’ei un deus eveniments tradicionaus de compte har de l’ivèrn a noste.

Augan que’s debanarà las dimenjadas deus 13,14,15 e deus 20 e 21 de heurèr a Geronce, dab un invitat de purmèra, lo grop vienut de Corsega pro coneishut peus amators de canta polifonica, l’Arcusgi, qui balharà un concèrt lo divés 13 de heurèr.
Mei d’entresenhas suu Carnaval de Geronce : www.carnavaldegeronce.com

Fin finala, après lo mes de genèr e lo de heurèr, que serà lo mes de març qui arcuelharà lo darrèr eveniment màger de la tradicion carnavalenca a noste, dab lo Carnaval de Vath Vielh a Nai, previst lo 7 de març. Que’n tornaram parlar en quauques temps mes taus curiós que podetz anar horucar ací.