Carcin e Gèrç envitats a Castètnau-Camblong
Lo grop deus Dançaires de Castètnau qu'organiza hestau a l'entorn de las cantas e de las danças tradicionaus...
 

Lo grop deus Dançaires de Castètnau qu'existeish adara despuish 16 ans. Creat especiaument tà ua representacion au parat de l'arressopet de l'an 2000, l'aventura que contunha enqüèra uei. Au repertòri tradicionau de sauts bearnés e bascos que's son hornits gavòta, mochico de Castètnau, pas d’estiu e pantelon, Charmantina, Menuguet... Envitats tà amuishà’s en Alemanha, Espanha, Peirigòrd, Gèrç, qu'an eriquit lo lor repertòri de quauques Tournante des Grandes Poteries, Jota de Tafalla e Fandango de Pollença.
L'an passat, qu'organizèn dab lo grop portugués Catel Cunha un hestau folcloric a Navarrencs. Augan que's passarà a Castètnau-Camblong e lo Carcin e lo Gèrç que seràn a l'aunor dab un hestau a l'entorn de las cantas e de las danças tradicionaus.

Au programa :
- 15H : Espectacle a gratis en la sala de las hèstas de Castètnau dab los cantaires de "Los deu Rempart", los dançaires de Castètnau, « Los Mirandès » deu Gèrç e « Los Greils Carcinols » deu Carcin. 
- 19H30 : Repaish tirat deu sac (sala disponibla tà tots).
- 21H : Bal gascon animat per Papar’Oc a la sala communau, entrada : 6€.

Informacions o contacte auprès de Janine Subercazes au 05 59 66 56 15 o a : jean.subercazes@wanadoo.fr