Cantar e dançar tà la Tinda !
Rendetz-ve dimenge a 10ò lo matin a l'entorn deu Cafè Suspenut, a Vilhèra tà aviar en musica La Tinda...
 

Alternatiba Bearn, lo vilatge de las alternativas a las causas de l'arrecauhament climatic, que's debanarà dissabte e dimenge a Vilhèra.
Que serà lo parat per l'associacion Demain en Main d'aviar la moneda locau complementària deu Bearn : La Tinda.

La lançada que sera cantada, dançada e musicau.
Tots los qui son enqüèra disponibles, qui vòlen hestejar gaujosament aquesta vaduda, que son convidats tà participar au passacarrèra en las arruas de Vilhèra en l'aunor de La Tinda.

Sus aires populars coneishuts, subretot a dançar, versets a respóner que seràn cantats dab paraulas hèra simplas en bearnés e en francés escrivudas sus pancartas creadas tad aqueth parat.
Donc, pas nat besonh de repetir ni de coneisher los cants o la lenga.
Lo mei important qu'ei l'enveja d'inscríver, en la convivéncia, aqueth eveniment en la cultura nosta cada dia mei viva e ubèrta.

Rendetz-ve dimenge a 10ò lo matin a l'entorn deu Cafè Suspenut, a Vilhèra, darrèr la sala de Lacase !

 

Alternatiba que serà tanben lo parat d'assistir a mantuas conferéncias, au fòrum climat, aus talhèrs arts e cultura, aus mercats paisan e artisanau, aus cafès-debats o de véder documentaris...

Tot lo programa qu'ei disponible suu site : www.alternatiba.eu/bearn