CALANDRETA D'ORTÈS

Objet :

Langue et enseignement.Calandreta de Lescar

Nombre d'adhérents :

Adresse :

Maison Trompeta
Bd Charles de Gaulle
64300 ORTHEZ
 

Téléphone : 

05 59 69 15 11

Email :

calandreta.ortes@orange.fr

Site internet :

www.calandreta-orthez.fr

Composition du bureau :

Présidente : Virginie HOUETTE

Vice-Président : Vincent MARTINET 

Trésorière : Flora MALERE

Secrétaire : Julie-Anne REY


PRESENTATION

Historique :

Lo projècte qu’estó évocat per l’Alan Abadie quan viengón los Pagalhós cantar a la sala Francis Planté : A quan ua calandreta a Ortès ? N’èra pas a ua borricada prés lo celebre elejut deu canton de Plasença-Moustròu-oest mes aqueste dia, e n’èra ua navèra o l’expression d’ua volontat de promóver ua creacion d’escòla ?

Chic de temps après en tot cas l’Anne-Marie Roth qu’aperè a casa en me demandar si nse poderém mobilizar tà preparar aquera creacion. Dab l’Agnès que passèm ua partida de la nueit qui seguí la telefonada, a constituir ua lista deus sostiens potenciaus ad aqueth projècte estrambordant. La question d’Agnès « An un regent ? » que caminè en lo cap men…

Quauquas detzenats de letras e d’amassadas mei tard, lo burèu de l’associacion que s’apitè : Colette Laplechère, Agnès Lanusse, Christian et Maïtena Josuèr, Etienne Araspin et Monique Listre mair de Marion, l’unica calandrona segura ad aqueth moment deu projècte. Ua sola inscripcion mes que n’averé calut mei entà aflaquir un estrambòrd a segotir las montanhas, segurs qui èram de que lo monde sancèr èra a aténer lo moment istòric d’aquera creacion. Per la mea part a maugrat deus escrupules e de l’inquietèr de non pas estar a la pagèra de l’ambicion nosta que pausèi la candidatura peu pòste de regent.

Los mes qui seguín que’s carguèn de portar quauques bemòls a la nosta analiza dab las pressions qui subím los uns e los autes pr’amor deu noste crimi de lèze servici public. Mes deishèm aquiu los maishants soviers entà brembà’s deus sostiens numéros d’ua piela d’anonimes e de quauques uns mei coneishuts com lo Rogèr Lapassade de segur mes tanben Gilbert Narioo, Michel et Claudette Grosclaude, Aimat de Lahitau e tanben Marcel Amont e Lionel Benichou qui ns’auherín articles de premsa remarcats.

Qu’essagèm d’inscríver la nosta desmarcha en la vita culturau ortesiana en organizar ua mustra de pintrura tant d’artistas e responón que soi solide de’n desbrembar. Citèm totun Christian Lamaison, (ne’m brembi pas deus son prénom) Robert, los talhèrs Uztaro, Maitena Josuér-Lougarot, Isabelle Morlaas-Lurbe Jeannette Latrubesse ... Lo dia deu vernissatge las carrèras qu’estón animadas per ua piela de  musicians qui viengón sostiéner l’iniciativa.

A quauquas setmanas de la rentrada e dab dètz inscrivuts non i avè tostemps pas nat locaus segurs. Totun quan la municipalitat de René Ricarrère e’ns prepauzè duas salas de la maison Trompeta que ns’investím tots tà las òbras e la velha de la rentrada dab Didier Feugas que cloturèm la parguia demorada dinc aquiu ubèrta sus la rota de Dacs !

Lo dia previst lo detzenat de mainatges qu’èran au rendetz vos dab Nelly Bergerot dab qui ha som víver l’escòla pendent ua pausa abans que Françoise Guilhorre n’arribe ahortir l’esquipa nosta e qu’Andrée Maylin joena retirada de l’Educacion  Nacionau e nse vienga aportar benevolament pendent annadas la soa experiénça pedagogica en assegurar los cors de francés.

Atau dab las visitas regularas deu Rogèr, de Michel e Claudette, los sostiens linguistics de Gilabert e psicologics deu Joan Pèir que’s debanèn las purmèras annadas ponctuadas peus nadaus d’Aimat-Pairolet, las vrenhas de Luciene Raymonde, los viatges en trin taus carnavals paulins e las classas descobèrtas a Sazòs, a Lhers dab la nèu o a Salias e Sòrdes l’Abadia en bicicleta e los escambis dab la calandreta de Murèth.

Atau que vadó en 1990 la calandreta d’Ortès e si l’aviada soa e semblè mei a cops aus ensais deus hrairs Wright qu’au partir de la husada Ariana que’n podem totun ce’m sembla guardar ua certa satisfaccion dab tots los qui èi citats e probable los qui èi desbrombats e qui prègui d’acceptar las meas excusas.

    [ Retour à ANNUAIRE DES ASSOS ]