Bigordans e bretons amassas tà hestejar
Ua grana mesclanha culturau e musicau enter Occitania e Bretanha deu 2 dinc au 5 de mai...
 

La prima qu’anoncia la sason deu bèth temps (e de la paciéncia)…mes tanben la sason deus hestenaus.

 

Los vesins bigordans que’ns prepausan un navèth rendetz-vos qui’s debanarà aquesta dimenjada deu costat de Banhèras de Luishon : Pyrénées-Breizh o ua grana mesclanha culturau e musicau enter Occitania e Bretanha deu 2 dinc au 5 de mai, dab un pairin de purmèra : Jan de Nadau.

Lo programa de Pyrénées-Breizh :

Divés lo 2 de mai a l’Ospici de França :

17h - 18h : Projeccion cinemà peth Ostau Comengés

18h - 20h : Aperitiu musicau ofèrt dab los grops Arredalh (musicas e cançons tradicionaus deus Pirenèus) e los bretons d’Ampouailh (bombarda e binió)

A partir de 20h : Repaish tradicionau pirenenc condat e en musica

Dissabte lo 3 de mai :

Tota la jornada, talhèrs de danças bretonas e occitanas, de cant e d’instruments tradicionaus dab la participacion de Guillaume Lopez, Cyrille Brotto, Françoise e Pierre Vieussens o enqüèra lo grop Breizh en Òc.

Au vrèspe, un passacarrèra per las aleas d'Etigny dab guidas a chivau, la fanfara Luishonesa e lo bagad de Breizh en òc.

14h - 15h au Pavillon Normand : Conferéncia sus l’istòria de la musica tradicionau en Comenge Haut per Joan-Marc Apiou. A gratis

21h a la Sala Henry-Pac : Gran bal/fest-noz dab quate grops de musicians entà har dançar lo monde dinc au cap de la nueit dab los grops Frères Thébault  (Bretanha), Croc’stana (Béarn), Ampouailh (Centre-Bretanha), Brotto-Lopez (Occitania) e dab la participacion deus musicians de l’estagi.

Entrada 10€  / Estudiant - Caumaire 8 € / Mainats A Gratis

Restauracion e estanguet sus plaça

Dimenge 4 de mai :

Los hestenalèrs que poderàn demorar tà profieitar totaument deu cadre pirenenc, e har pantauleta a l’airada (Si lo temps n'ac permet pas, ua auta solucion ei prevista au Pavilhon Normand de Banhèras de Luishon).

Entresenhas mei : Clotilde Ricard 06 20 72 59 39 o pyrenees.breizh@yahoo.fr

Site internet deu hestenau : http://pyrenees-breizh.jimdo.com/