Batalèra autorn deus legumes e de las plantas
Lo dimars 27 de seteme a comptar de 18h lo Conservatòri deus Legumes Ancians deu Bearn d’Assat qu’organiza en partenariat dab l’Ostau Bearnés e La Civada ua batalèra entà parlar de las plantas e legumes en la tradicion bearnesa...
 

Lo dimars 27 de seteme a comptar de 18h lo Conservatòri deus Legumes Ancians deu Bearn d’Assat qu’organiza en partenariat dab l’Ostau Bearnés e La Civada ua batalèra entà parlar de las plantas e legumes en la tradicion bearnesa.
Aquera animacion qui serà au « Casau de Menique », 3 bis rota deu bòsc a Assat que’s debanarà en dus temps :
- A 18.00 visita guidada deu casau
- De cap tà 18.30 batalèra bilingua gran public

Que serà lo parat de véder quin èran los casaus en Bearn e tanben quin se suenhavan los nostes ajòus dab plantas e legumes shens d’anar véder lo medecin a tot pip pap. La transmission orau qu’ei enqüèra viva e quauques libes e documents que’ns disen aqueras praticas.
Que son invitats tots los qui vòlen partatjar aqueths sabers populars e har vàler atau a l’entorn deu casaut en tota convivialitat lo noste patrimòni linguistic e culturau.
L’entrada qu’ei libra e a gratis. . De cap tà 20.00 las discutidas que’s perseguiràn dab lo veire de l’amistat.
Rensenhaments : Ostau Bearnés 05.59.30.60.34. e www.ostaubearnes.fr