Batalèra au casau
La batalèra deu mes d'abriu que torna a l'Ostau dab lo Conservatòri deus Legumes Ancians deu Bearn...
 
S <font size="2">ans titre</font>

 

La Civada e l’Ostau Bearnés que v’invitan a la batalèra mesadèra qui’s debanarà a lor, au 46 Baloard Alsace Lorraine a Pau, lo dimèrcs 9 d’abriu a comptar de 18h15. Aqueste còp, que’s harà en partenariat dab l’associacion sòcia de fresc arribada com sòcia de la Maison de la Cultura Bearnesa, lo Conservatòri de legumes ancians deu Béarn.

Animat per Joan Pau Latrubesse aqueth aròu qu’ei ubèrt a tots los qui an hami, en tota amistat, de parlar bearnés o auta fòrma de la nosta lenga dÒc. L’idea d’aqueste mes qu’ei de har vàler un jardinatge respectuós de la diversitat e de l’enviroament.

Invitats deu Conservatòri que presentaràn la loa associacion e lo debat que balharà la paraula a tots los qui aiman casalejar e qui an lhèu guardat ordis de legumes tradicionaus o originaus.

Aquera sera que serà lo parat de valorizar lo casau, patrimòni vertadèr auquau los bearnés de soca mes tanben de còr e son sovent hèra estacats

L’entrada qu’ei libra e a gratis. De cap tà 20h los escambis que’s perseguiràn dab lo veire de l’amistat.

Entresenhas mei a l’Ostau Bearnés : 05 59 30 60 34 o  www.ostaubearnes.fr