Bascos e gascons amassas a Pau
La tresau edicion deu Paulin'Trad que v'invita a descobrir lo riquèr de duas culturas pirenencas...
 

Tots los dançaires, cantaires e musicians deu parçan e d’aulhors que poderàn partatjar tot lo riquèr de duas culturas pirenencas, basca e gascona, en companhia d’artistas-pedagògues reconeishuts deu 15 dinc au 18 de julhet au parat deu Paulin’Trad.

La tresau edicion de l’estagi que v’invita donc a (tornar) descobrir la cultura tradicionau locau, au costat deus invitats deu Bascoat, un vesin ric d’un repertòri de danças e de musicas tradicionaus hèra vitèc.

Pendent los quate dias de l’estagi, animators deus dus parçans que’vs saberàn en·hicar en las loas culturas respectivas, dab un caminament d’iniciacion taus debutants e talhèrs mei complets taus mei confirmats.

Dens un esperit de convivéncia e d’escambis dab lo public deu hestenau, l’Été à Pau, cada dia que prepausarà estagis au Conservatòri de Pau, clavats per un bal tradicionau au Parc Beaumont (Joan-Francés Tisnèr, Brigada Menestrèrs, Saltoka) e un concèrt lo darrèr dia dab Xarnege e Bidaia.

Entà saber mei suu programa complet deu Paulin’Trad, clicatz ací.

Entresenhas practicas :

Estagi du dimars 15 dinc au divés 18 de julhet 2014 au Conservatori Pau-Pirenèus, rue des Réparatrices  a Pau.

Tarifas :

40€ taus eslhèves e agents deu hialat deus establiments d’ensenhament artistica de la Comunaut d’aglomeracion Pau-Pirenèus.

70€ tà las personas exterioras.

Inscripcions dinc au 8 de julhet.

Bulletin d'inscripcion de tornar enviar acompanhat deu pagament a: Communauté d'agglomération Pau-Pyrénées, Direction des affaires culturelles – 2bis Place Royale – 64 000 Pau.

05 59 27 24 26 – paulintrad@agglo-pau.fr