Bal au Lis dab Brigada Menestrèrs
Qu'ac sabetz solide, lo dusau CD de la Brigada Menestrèrs qu'ei arribat. Titolat "Capsús", qu'ei compausat de 11 títols qui son creacions com Badíc Badoc, La Garbura e Lo blues de la ploja o tròç tradicionaus arrepensats com A l'entorn de ma maison, Se m'auretz vist e La Charmantina...
 

Qu'ac sabetz solide, lo dusau CD de la Brigada Menestrèrs qu'ei arribat. Titolat "Capsús", qu'ei compausat de 11 títols qui son creacions com Badíc Badoc, La Garbura e Lo blues de la ploja o tròç tradicionaus arrepensats com A l'entorn de ma maison, Se m'auretz vist e La Charmantina.


Lo grop gessit de l'associacion Menestrèrs Gascons qu'existeish despuish 5 ans. En la formacion actuau, que son quate e que tribalhan amassa despuish 2 ans. Que i arretrobam : Denis Frossard, Marc Castanet, Benoît Larradet e Marie-Claude Hourdebaigt. Qu'an trobat la lor identitat musicau e que perpausan ua musica tà dançar mes qui's pòt tanben escotar se n'èm pas dançaires.

Que seràn a la Maison tà Tots deu Lis lo dissabte 22 d'abriu tà hestejar la sortida deu CD. La serada qu'ei organizada per lo Larèr Rurauy e la purmèra partida que serà assegurada peus acordeons deus talhèrs deu Lis. La Brigada Menestrèrs que seguirà sus l'empont dab duas òras e mieja de bal haut o baish qui'vs balharà lo parat des descobrir los navèths tròç deu CD. La serada que començarà a 20h30 e la tarifa qu'ei de 6€.
Se'n voletz saber mei suu grop, rendetz-ve sus www.menestrersgascons.com