Avís aus calamejaires !
Qu'avetz dinc au 15 de març per l'enviada deus tèxtes entà participar aus Calams Bearnés...
 

L’Ostau Bearnés e la Civada, qui organizan cada an los Calams Bearnés en colaboracion dab mantuas associacions e organismes, que rampelan tots los qui desiran participar a la 19au edicion deu concors literari en gascon, augan a l’entorn deu tèma deus jòcs.

Que raperam qu’avetz dinc au 15 de març de 2014 entà enviar los vòstes tèxtes per corrièr postau o electronic (contact@ostaubearnes.fr ) e atau participar a l’arrenavida de la lenga deu país.


Aqueth concors que s’adreça aus escolars qui poderàn tribalhar sus bendas d’imatges mes tanben entaus adultes, que sian confirmats o debutants. En efèit, la categoria « Hèitas, istòrias bracas… » que deveré ahiscar los aprenents (cors deu ser, autodidacte…) a participar, e perqué pas appressà’s d’un locutor naturau  entà realizar un petit tribalh de collectatge : raconte, sovièr, arreproèrs,…

Que trobaratz totas las entresenhas e lo reglament sancèr en clicar ací.