Arraya per ua bona causa
Los charnègos de Salias que cantan en sostien de l'associacion "Les Calinous d'Haïti"...
 

Lo grop charnègo de Salias de Biarn que pujarà sus l’empont deu Teatre Alexis-Peyret de Sèrras Castèth, lo dissabte 11 de genèr, a comptar de 20h30.

Lo concèrt aqueste que serà balhat en sostien de l’associacion « les Calinous d’Haïti », davantejada per Dominique Uthurralt. L’associacion qu’a per prètzhèit de miar un sostien financèr e materiau a estructuras d’arcuelh entà mainats d’Haïti.

Desempuish mei de 3 ans, l’associacion bearnesa que s’ei engatjada hens un programa d’ajuda a la vita vitanta deus mainats tau com la loa escolarizacion.

Mercés aus dons dejà recebuts, « Les Calinous d’Haïti » que s’i son escaduts a ajudar la « Maison de l’Espoir », e lo concèrt d’Arraya que deveré perméter ad aquesta estructura de contunhar a neurir, vestir, suenhar e escolarizar los mainats.

Reservacions : Centre Sociau Alexis-Peyret a Sèrras Castèth au 05 59 33 11 66

Tarifas :
      -14€ entaus adultes e mei de 16 ans
      -10€ entaus estudiants e caumaires
      -7€ entaus mainats de 8 dinc a 16 ans
      - A gratis entaus mensh de 8 ans

Mei d’entresenhas suus « Calinous d’Haïti » : www.lescalinoushaiti.com o 06 22 25 25 37