Aqueras montanhas qui’ns parlan
Tornar sus la prosejada dab Jan Eygun...
 

Per aquestes torns, un quarantenat d’amorós de la lenga e deus nostes Pirenèus que son vienuts a l’Ostau Bearnés entà escotar a Jan Eygun editor, especialista de l’occitan gascon qui sòrt de publicar « Les mots de la montagne pyrénéenne ».

Dab l’ajuda d’un diaporama l’autor que’ns presentè los capítols màgers deu son libe : las valeas, los vilatges e bordalats, los camins e sendèrs, los arrius, las penas e los soms, los còths, las lanas, los arbos…La màger part d’aqueths paisatges que son estats hèits, entertienguts e tostemps nomats peus òmis dab ua precision esmiraglanta.
Mercés a las enquistas deu terrenh, Jan Eygun qu’a sabut explicar quasi tots los noms qui s’arretròban, haut o baish, en l’ensemble pirenenc. Aqueth tribalh qu’ei un beròi omenatge a la lenga, la cultura e l’istòria deus montanhòus.

La serada qu’estó tròp braca entà poder respóner a tots qui volèn saber tau o tau mot encontrat au parat d’ua rampada. Que calerà organizar d’autas seradas com aquera entà interpretar aqueras montanhas qui’ns parlan en la nosta beròia lenga d’Oc.

Rensenhà’s : Ostau Bearnés 05.59.30.60.34. et www.ostaubearnes.fr