Après los vòts las votz
Los obradors, subertot de canta, que tornan après las vacanças...
 

Que deisham tot juste 2013 que s’i cau tornar dejà lèu. Las animacions perpausadas per l’Ostau Bearnés que tornan donc après la pausòta nadalenca.

Lo calendèr ne cambia pas, que n’ètz acostumats adara, la batalèra que’s debana tostemps lo dusau dimars de cada mes, e las cantèras de la Tireuse e deu Bikini respectivament lo purmèr e tresau dimèrcs. Shens comptar las animacions de las associacions sòcias…

Per exemple, en aqueste mes de genèr, los amators de canta que seràn servits com cau. Miratz lo programa :


-         Dimèrcs lo 8 de genèr, a comptar de 20h : cantèra a La Tireuse, plaça deu Heralh a Pau
-         Dimars lo 14, a 20h a la Sala de las Hèstas de Lescar : cantèra de l’Esquireta
-         Dimèrcs lo 15 a 21h : cantèra joens au Bikini, au barri deu Triangle a Pau
-         Dimèrcs 22, l’aròu de cantaires de l’Ostau Bearnés que s’amassa per la loa cantèra formacion miada per Joan Marc Lempegnat.
-         Dimars lo 28, a comptar de 20h, a la Sala de las Hèstas de Lescar : cantèra de l’Esquireta


Solide, los qui’us agradan mei las danças, las conferéncias o enqüèra los concèrts, que trobaràn lo lor bonur hens l’agenda de l’Ostau, qui amassa totas las informacions sus las animacions de tot escantilh a l’entorn de la cultura nosta, que sia en Bearn o en los departaments vesins. Si’n manca, qu’avetz la possibilitat de n’anonciar vos-medish.
Per aquò, rendetz-vos ací.