Amassada Generau de l'Ostau Bearnés
Cada associacion dita "Lei 1901" qu'a d'organizar un còp l'an la soa Amassada Generau. La de l'Ostau Bearnés que's debanarà doncas en los sons locaus deu 46 Baloard Alsàcia Lorena a Pau, lo dijaus 23 de març a comptar de 18H30...
 

Cada associacion dita "Lei 1901" qu'a d'organizar un còp l'an la soa Amassada Generau. La de l'Ostau Bearnés que's debanarà doncas en los sons locaus deu 46 Baloard Alsàcia Lorena a Pau, lo dijaus 23 de març a comptar de 18H30.

Un programa deus classics qu'ei previst. Lo rapòrt d’activitat que muisharà los grans pòles de la Maison de la Cultura Bearnesa : l’estructura, l’arcuelh deu public, l’ajuda a las associacions, las accions de cap tà la societat civila, las nautats, la communicacion, las animacions e lo dialògue dab los representants de las colectivitats territoriaus… Com de costuma, lo rappòrt financèr que permeterà de respóner a totas las questions de l’assemblada. 

Puish que seràn presentats las grans orientacions e los grans projèctes tà l’aviéner. L’eleccion deu navèth Conselh d’Administracion que serà lo parat de balhar la paraula au monde presents. L’objectiu qu’ei d’amassar tots los actors de l’Ostau Bearnés (salariats, benevòles, administrators, associacions sòcias…) entà respóner miélher a la demanda sociau, desvolopar las animacions "de terrenh", tribalhar a l’aviada d’un centre de ressorças o enqüèra pensar a l’espelida d’ua Maison de la Cultura Bearnesa.

De segur, lo veire de l’amistat que clavarà la serada a la quau e son convidats tots los amics de l’Ostau Bearnés e tots los qui s’interèssan a la renavida de la lenga e de la cultura deu Bearn e mei generaument deus País d’Òc.