Amassada Generau de La Civada
L'associacion, membre de l'Ostau Bearnés, que tienerà la soa amassada generau l'aut diluns...
 

Aviada en 1977 per musicians amators apassionats per las Arts e Tradicions Popularas, la Civada qu’ei istoricaments la purmèra associacion culturau enradigada a Pau e ubèrta a l’ensemble deus Pais de Lenga d’Oc.

De tostemps, en tot avalorizar lo benevolat e las accions federativas dab l’Ostau Bearnés, qu’a cercat a har vàler la lenga e los elements culturaus màgers.



Que podem mentàver au demiei de totas las soas accions : l’elaboracion d’apèrs pedagogics en lo maine de la lenga, deus arts e de las tradicions popularas, l’aviada de las purmèras prosejadas, deus Calams Bearnés, cors de lenga entaus adultes, cronicas en la premsa escriuta, shens desbrombar las batalèras, las cantèras,…



Entà’us qui volerén conéisher mei la Civada tau com los qui s’interessan a l’arrenavida de la lenga e de la cultura occitana en Bearn, çà-vietz possar las pòrtas de l’Ostau Bearnés au 46 baloard Alsàcia-Lorèna a Pau,  lo diluns 17 de heurèr a comptar de 18h15.

-18h15 : amassada generau : rapòrts moraus e financèrs, vòte e eleccion deu navèth conselh d’administracion
-19h30 : debat a l’entorn de las animacions de terrenh (cantèras, batalèras, cors de lenga,…)

La serada que s’acabarà dab lo veire de l’amistat.