Actualitats de las Calandretas
La fin d'annada qu'ei lo parat tà las calandretas o las associacions qui las sostienen d'organizar animacions...
 

La fin d'annada qu'ei lo parat tà las calandretas d'organizar animacions. Qu'ei lo cas de la d'Ortès peu biais de l'associacion D'Òc Si Gausas e de la deu Lis dab l'associacion Lo casalòt d'Aussau. 

La quatau edicion deu Concèrt de Nadau de D'Òc Si Gausas que's debanarà doncas doman, lo divés 18 de deceme a 8 òras lo ser dab lo sostien de l’associacion Cultura de Noste.
Las pòrtas de la Sala Francis Planté a Ortès qu'obriràn a comptar de 7 òras e que seratz arcuelhuts en cançons a l'estanquet peu joen grop Maishanta Lenga.
Lo quartet que pujarà tanben sus l'empont un momentòt abans de deishar la plaça aus Auloronés de Montanhas e Ribèra puish aus locaus de l'estapa, Los de Brossez.

L'entrada qu'ei de 10€ taus adultes, a gratis taus mainats de mensh de 12 ans e de 5€ taus sòcis de l’associacion.

A la fin deu concèrt, la serada que contunharà a l'entorn de l'estanquet. Solide que s'i cantarà enqüèra...

Entresenhas : docsi.gausas@yahoo.fr o 06 87 80 53 00.

 

Com cada an, l’escòla Calandreta deu Lis que hè la hèsta deus mainatges en deceme.

Augan lo tèma causit qu’ei « ço qui hè pauuuur » !

Qu’ei un tèma de velhadas com ac hasèn a còps los vielhs que l’escòla e’vs perpausa dens un tempora (l’ivèrn…) on passam lhèu drin mei de temps tots amassas….

L’espectacle que’s debanarà dimenge lo 20 de deceme a 3:00 deu vrèspe e que serà seguit d’un vrespèr. rendetz-ve a la Maison Tà Tots deu Lis.

L'entrada qu'ei libra..
Ça-vietz numerós !

calandretalis@gmail.com