A Anoja lo Bearn un còp mei a l'aunor '
La cultura bearnesa que torna a Anoja mercés a dus eveniments presentats peu Comitat de las Hèstas...
 

Après la Hèsta deu Lées au començar deu mes de noveme organizada per l’associacion Tots au Lées, la cultura bearnesa que torna a Anoja mercés a dus eveniments presentats peu Comitat de las Hèstas deu vilatge.

Purmèr, la serada bearnesa aqueste dissabte 29 de noveme, a comptar de 21h a la sala de las hèstas. Que s’i poderà véder aus Comelodians, qui pujaràn sus l’empont dab la lor pèça de teatre « La qui s’a trobat un mèste ». Aquera adaptacion de la « Megère apprivoisée » de Shakespeare en bilingüe francés-occitan qu’ei ua beròja escaduda e que promet d’estar un beròi moment de comedia.
Que seguiràn los cantaires deus Amics Purmèr. Aqueth grop qu’arrevirè en bearnés un detzenat de cantas deu Georges Brassens e que las interprètan adara dab plaser, acompanhats per duas guitarras.
Entà acabar, lo comitat, mercés a l’ajuda deu Collectif Ça-i, que s’i ei escadut a trobar un navèth contaire, Jan de Minjòt. Aqueste que saberà miar-se’n lo public en un monde magic traucat d’istòrias vertadèras o imaginàrias, sovent en seguir lo briu de l’aiga.

Entrada : 10 €

Ua auta animacion qui coneish ua beròja escaduda, qu’ei la batalèra. Aqueth moment de discussions en lenga nosta que’s hè tostemps en tota simplicitat e convivéncia e que’n serà enqüèra lo cas lo dimenge 7 de deceme, a 16h, a la sala de las hèstas.

Los subjèctes tractats : los tribalhs agricòlas, l’escòla deu vilatge, la vita d’autes còps e de uei. De notar que la organizada a Anoja que’n serà dab l’ajuda de l’Ostau Bearnés, donc los abituats de las nostas batalèras que s’i avisaràn e que se n’aniràn passejar deu costa deu Lées au mes de deceme.
Entrada a gratis.
                                                                                     
Si voletz mei d’entresenhas sus aqueths eveniments : 06 86 11 95 76 o http://anoye.jimdo.com