8au edicion de Tarba en canta
Las polifonias pirenencas de Bigòrra que son l’ua de las grans tradicions polifonicas de l’Euròpa du Sud. Tarba en Canta qu’ei lo parat tanben de tèisher e d’ahortir los ligams e los escambis en lo maine deu cant tradicionau en har viéner grops de renomada internacionau...
 

Las polifonias pirenencas de Bigòrra que son, dab las deu Bearn e deu Bascoat, l’ua de las grans tradicions polifonicas de l’Euròpa du Sud, tau com las de Corsèga, Bulgaria e Sardanha.

Despuish quauques annadas, un tribalh de diffusion d'aqueth vertadèr riquèr que s’aviè mercés a la constitucion de grops locaus, departamentaus e regionaus e mei que mei dab la creacion en 2010 deu Hestau Internacionau de Polifonia Tarba en Canta au mes de junh. Tot a gratis, qu’ei organizat per la vila de Tarba e l’Offici de Torisme en partenariat dab lo Conselh Departamentau.
Tarba en Canta qu’ei lo parat tanben de tèisher e d’ahortir los ligams e los escambis en lo maine deu cant tradicionau en har viéner grops de renomada internacionau.

Cada an, masterclass, obradèrs de tot nivèu on intervienen professionaus deu cant polifonic que son organizats au conservatòri, shens desbrombà’s los concèrts en las glèisas o autes endrets de l’aglomeracion de Tarba, los aperitius-concèrts en los estanquets aliats, concèrts caminaires en los mercats, las cantèras…

Augan Tarba qu'arcuelharà Lo Barrut, Radio Babel Marseille, Kepa Junkera & Sorginak, La Capere, La Mata de Jonc e Grail Òli.
E tots los concèrts que son a gratis.

Tà descobrir lo programa e totas las entresenhas necessàrias a l’entorn deu Tarba en Canta 2017 qui’s debanarà deu 7 dinc au 11 de junh, que podetz clicar ací.