4au edicion deu hestau Mascaret
Qui a dit que Bordèu avè perdut la soa amna occitana ?
 

Qui a dit que Bordèu avè perdut la soa amna occitana ?

Bordèu qu’ei a la crotzada de mantuas influéncias. Vila màger deu territòri gascon, pròcha deu lengadocian e deu lemosin, obèrta sus la Mar Grana e sus l’Occitania tota, la capitala de Gasconha que hè aunor a la cultura e a la lenga occitanas mercés a l’Ostau Occitan de Gironda.

Entà la 4au edicion deu hestau Mascaret, deu 29 de seteme dinc au 5 de noveme, Bordèu e la soa banlèga pròcha que’s tornan en·hicar en la lor identitat, obèrta, partatjaira, curiosa…

Aqueste eveniment qu’a la volontat de programar artistas e òbras de totas disciplinas artisticas, de trobar un equilibri enter fòrmas tradicionaus e contemporanèus, convidar artistas locaus, gascons e de las autas regions occitanas shens desbrombà’s d’orbí’s au monde e a las autas culturas...

Pendent mei d’un mes, lo Mascaret que perpausarà concèrts, mustras, cinèma, contes, mercat gascon, conferéncias, bal… un programa deus cargats que v’invitam a anar véder en clicar aci.

E si'n voletz saber mei suu hestau o sus las activitats de l'Ostau Occitan de Gironda : http://ostau-occitan.org/