20 òbras taus 20 ans
Lo Musèu Joana de Labrit a Ortès que hesteja augan los sons 20 ans...
 

Lo Musèu Joana de Labrit a Ortès que hesteja augan los sons 20 ans.

Ubèrt lo 1èr de julhet 1995 suu hons documentari amassat peu Centre d'Estudis deu Protestantisme Bearnés (CEPB), que s'aperava dinc en 2002 : Musèu deu Protestantisme.
20 ans qui son lo parat de perpausar ua mustra temporària participativa luenh de tota fòrma de retrospectiva classica.

La mustra titolada "20 ans, 20 mots, 20 oeuvres, 20 personnes", n'ei pas installada au baish com de costuma mes en las salas deu musèu. L'entrada que serà donc a gratis e un camin senhalizat que'vs miarà au bèth miei de las colleccions permanentas a la descobèrta deus ligams qui juntan las òbras e los documents a las personas qui tribalhan a la lor valorizacion.
20 objèctes qu'estón causits per las hemnas e los òmis qui hèn víver lo musèu despuish la soa creacion.

Que'us poderatz véder per la vision d'ua persona dab ua notícia especiaument redigida per era en balhar las rasons de la soa causida que sian esteticas, istoricas o sustot afectivas. Au miei de las 20 òbras causidas, 4 qu'an besonh d'estar restauradas : dus pertrèits de Jacques e Zéline Reclus per Eugène Devéria, un òli sus tela qui representa Paul Reclus e un òli sus tela : "Interior de bòrda" per Henri Nogaret. L'associacion deu Musèu que lança donc un aperet dab Ullule tà ajudar a la restauracion : http://fr.ulule.com/jeanne-dalbret/

Aviada lo 15 d'abriu passat, la mustra que serà vededera dinc au 13 de junh, deu diluns dinc au dissabte de 10ò lo matin dinc a mieidia e de las 2ò lo vrèspe dinc a 6ò lo ser.

Vertadèr condensat deu musèu qui compta 400 òbras expausadas, e quasi autant en las soas resèrvas, la mustra excepcionau que serà lo parat taus visitaires d'exprimí's puish a que lo musèu e'us perpausa d'ajustar la lor pròpia vision de las òbras dab paperòts pegants...

Entresenhas au 05 59 69 14 03 e www.museejeannedalbret.com