20 ans de polifonias a Laàs
Augan, la tradicionau Nueit de las Polifonias qu'amassarà los grops mei bons de las darrèras edicions...
 

La fin de setmana de l’Ascension, deu costat de Laàs, que’s debana lo hestenau de las Transumàncias Musicaus. Quate dias de musicas, de danças e de hèsta. Cada annada, lo divés ser qu’ei consacrat a las cantas, especiaument las cantas polifonicas dab lo concors de la Nueit de las polifonias.
Mantuns grops de l’Occitania tota que son dejà pujats sus l’empont, quauques-uns de noste dab pro d’escadudas, com la Novem qui tornè dab un tresau prèmi, Ardalh dab dus dusau prèmi en l’ahar de detz ans e prèmis deu public entaus joens de Vath d’Aspa, Bemaniya, Arraya o enqüèra las Mondinas.

Augan, lo divés 15 de mai, a partir de 20h30, que serà ua edicion aniversari qui amassarà sus l’empont ua seleccion de grops qui an marcat la « Nueit Polifonica » despuish lo son començar. Las votz de Bearn e deu Bascoat que seràn hèra presentas, a l’imatge de la tradicion de la canta mei que vitèca en la nosta region.
Au programa : Kalakan (Bascoat), Cantu Nostrale (Corsega), Arraya (Bearn), Les Cop’s (Tolosa), Be Bop (Garona Nauta), Ardalh (Bearn), Xiberotarrak (Bascoat) e Esta (Bearn).

Mei d’entresenhas sus la Nueit de las polifonias e suu hestenau de las Transumàcias Musicaus de Laàs suu site www.transhumances-musicales.com