10au Prima deus Contaires a Sheishan
Lo concors de contes en gascon organizat per Ràdio País Gèrs e l'Academia de gascon de Sheishan que s'i torna lo 21 de març...
 

Lo dissabte 21 de març que's debanarà a Sheishan (32) a la sala de las hèstas, a partir de las 2ò deu vrèspe, la 10au edicion de la «Prima deus Contaires».

Organizada per Ràdio País Gèrs en Gasconha e l'Academia de gascon de Sheishan, dab lo sostien deu Conselh Generau deu Gèrs, la vrespada que serà lo parat d'un concors de contes en gascon dab duas categorias, joens e adultes, dotat de mantuns prèmis : de la creacion, de l'interpretacion, deu comic, de la poesia, deu mielhor joen, de l'aviéner, un prèmi especiau de la foncion publica e territoriau, mantuns prèmis d'aunor. 

Numerós grops qu'animaràn aquesta jornada peus cants.
A 6 òras e mieja lo ser, que serà la remesa deus prèmis e l'aperitiu-cantèra.

La serada que començarà a 7 òras e mieja per un repaish qui serà seguit d'un bal gascon animat per Arredalh e Mathieu Barrès, musician e cantador.

L'entrada qu'ei a gratis lo vrèspe.
Lo repaish mei lo bal que son a 15 € e 8 € taus mensh de 16 ans e le bal solet a  8 €.

Au parat deu 10au aniversari, la Prima deus Contaires que'vs reserva ua suspresa.

Entresenhas e inscripcions au concors deu vrèspe au 05.62.09.35.08 o gers@radiopais.fr en precisar la categoria.