10 susprèsas entà 10 edicions
La grana hestejada occitana Hestiv’Òc que s’apressa a camadas...
 

Qu’ac sabetz, la grana hestejada occitana Hestiv’Òc que s’apressa a camadas. Entà hestejar la detzau edicion deu hestenau, l’association Accents du Sud qu’a decidit de’s har plaser e de har plaser aus hestenalèrs, en prepausar detz nautats qui portaràn a la lutz ua partida o un temps hòrt deu hestenau.

1èra : Lo hestenau Clap de Lenga

Accents du Sud qu’a aviat augan un eveniment dedicat sancerament au cinèma occitan, entà avalorar miélher e sostiéner aquera expression artistica qui prava chic a chic e qui coneish ua navèra dinamica de creacion.

                2au : Coproduccion d’un espectacle de dança « Pau Lo Tiau »

Accents du Sud e menestrèrs Gascons que’s son associats entà crear un navèth espectacle, ua creacion de danças de bastons e puas. Ça-vietz véderad aquera tradicion qui s’arrevita ! Purmèra representacion en purmèra lo dissabte 23 d’aost a 19h, Plaça Reiau.

3au : Ua tresau jornada tà l’Espaci Joenessa !

L’Espaci Joenessa qu’ei vadut un moment de mau evitar suu hestenau. Los mainats que seràn contents pr’amor un tresau que’us permetaràn de partir a la descobèrta de la cultura nosta , de 16h dinc a 19h, deu divés dinc au dimenge dab un bal en familha entà acabar.

4au :  Lo quarrat jaune eth tanben que hesteja los detz ans

Simbèu deu hestenau e portats per tots, que poderatz arretrobar ua version « collector » deu quarrat jaune entà hestejar aquera detzau ediscion.

5au : Hestiv’Òc « tots amassa » !

Ubèrta a tots, la hestejada occitana que va augan a l’encontre de’us qui non pòden pas anà’i. Mercés aus benevòles de l’Ostau Bearnés e deu son dispositiu « Parlem Amassa », los nostes ancians de tres maisons de retirada de l’aglomeracion paulina que poderàn profieitar de la gaièra deu hestenau.

6au : « Lo JÒc »

Entà conéisher miélher lo hestenau, e descobrir quauques mots e expressions en occitan, l’associacion Accents du Sud que’vs prepausa un jòc de pista per carrèra e suus lòcs deu hestenau. Ubèrt a tots e dab presents a ganhar !

7au : Le quart d’heure béarnais !

Non calerà pas estar en retard a l’aperitiu ! L’estanquet de Hestiv’Òc que prepausarà la bevuda au veire a 1 €, sonque lo purmèr quart d’òra (12h e 19h)

8au : Ua navèra canta d’obèrtura

Un quatau cant que retrenirà au parat de la cantèra d’obèrtura : « La Sobirana ». Aquera cançon coneguda de tots, qu’ei vaduda un himne vertadèr a la lenga occitana mercés aus Pagalhós, sus paraulas de Pierre Salles e sus ua musica deu grop Peiraguda

9au: Hestiv’Òc en imatges per vila

Ua mustra de fòtos gigantas que serà installada e que serà de descobrir en diferents lòcs deu hestenau e de la vila de Pau. Que serà lo parat de tornar en imatges sus las nau edicions passadas e de hicar Pau, mei que mei a las colors de Hestiv’Òc.

10au : Susprèsa

A descobrir lo 21 d’aost…

 

Que tornaràm solide sus la programacion hèra rica deu hestenau qui’s debanarà deu 21 dinc au 24 d’aost, en las edicions venidèras d’aquesta letra d’informacion.

Si’n voletz saber mei d’ara enlà, que podetz anar visitar lo site internet de Hestiv’Òc.